Mii ohcat organisašuvdnabargi 25–30 % virgái!

Garmeres lea organisašuvdna mii stuorru ja ovdána. Mii bargat nannet stivrrabargu ja organisašuvnna ráhkadusa, vai mii buoremusat sáhttit fuolahit miellahttovuođu ja min rolla servodagas. Mii ohcat movttiidahtti ja systemáhtalaš organisašuvdnačálli gii háliida leat mielde ovddideamen ja nannemin organisašuvnna dán muttus.

Virgi lea gaskaboddosaš bargolihttu mii álgá nu farga go vejolaš, ja bistá 7 mánu. Virgi lea ruhtaduvvon doarjjaruđaiguin ja bistá 31.12.2026 rádjai. Vejolaš guhkideapmi eaktuda ahte ođđa ruđat dohkkehuvvojit.

Guovddáš ulbmilat bargolihtui leat ovddidit infrastruktuvrra miellahtu- ja eaktodáhtolašdoaimmaide Garmeresis.

Garmeres lea bonju sápmelaččaid miellahttorganisašuvdna. Min doaibma galgá leat mielde oidnosii buktimin bonju sápmelaččaid jienaid ja ráhkadit fátmmasteaddji deaivvadanbáikkiid. Lassin dasa ahte nannet miellahto- ja eaktodáhtolaščuovvoleami, háliidivččiimet ain ovddidit organisašuvnna ráhkadusa ja bargomálliid.

Bargogohččumat

• Čuovvolit e-poasta jearaldagaid
• Plánet ja koordineret stivrraoahpu ja gelbbolašvuođa ovddideami
• Bovdet čoahkkimiidda ja čállit muittalusaid
• Koordineret ja čađahit stivračoahkkimiid, miellahto- ja eaktodáhtolašdoaimmaid
• Váikkuhit organisašuvnna beaivválaš doibmii
• Váikkuhit organisašuvdnaovddideapmái, miellahtodemokratiija ja eaktodáhtolašvuođa vuođul
• Rehketdoalu čuovvun ja bušeahttabargu
• Ođasmahttit neahttasiidduid ja sosiála mediaid
• Eará bargogohččumat sáhttet lasihuvvot

Muhtomin lea eahketbargu ja vahkkoloahppabargu, ja galgá oassálastojuvvot ovtta stivračoahkkimii báikkálaččat.

Gelbbolašvuohta

• Dus lea bachelor relevánta fágasuorggis, dahje kurssat ja vásáhus mat sáhttet buhtadit oahppogáibádusa
• Dus lea ollu vásáhus ja máhttu miellahttorganisašuvnnabarggus, áinnas geavaheaddji- dahje beroštumiorganisašuvnnas
• Don sáhtát láhčit buori gulahallanvuogi ja ovttasbarggu
• Don oahpat jođánit ja sáhtát ávkkástallat iešguđet prográmmaid ja teknihkalaš reaidduid. Ovdamearkka dihte min miellahturegistara Hypersys:as, min neahttasiiddu mii lea ráhkaduvvon Strapi:in, ja iešguđet sosiála mediaid. (It dárbbaš leat oahpis buot dáiguin, muhto fertet sáhttit šaddat :)
• Don hálddašat sihke dárogiela ja eaŋgalasgiela, ja sáhtát koordineret jorgaleddjiiguin.
• Jus hálddašat sámegiela dán lassin, de lea dat ovdamunni.
• Buorre lea jus dus lea vásáhus ovddidit vuogádagaid ja rutiinnaid.
• Don dovddat Garmeres ulbmiljoavku bures ja gulat áinnas ieš dasa.

Persovnnalaš heivvolašvuohta, gelbbolašvuohta ja vásáhus deattuhuvvojit.

Mii fállat

• Njuovžilis bargoáigi ja ruoktokantuvra
• Liekkus ja áŋgiris stivra
• Vejolašvuohta ovddidit organisašuvnna mii stuorru

Ovddit Garmeres minguin! Mii illudit dus guldalit!

Bargoaddji birra

Suorgi: Ideála miellahttorganisašuvdna eaktodáhtolašsuorggis
Virgi: Organisašuvdnačálli
Viidodat: Diibmovuđđosaš, sullii 25–30 % prošeaktavirgi, molsašuddi áigodaga čađa
Bálká: Bálká šiehtadusa mielde.
Báiki: Riikkaviidosaš/digitála
Jearahallamat: vahkku 21
Oktavuohtaolmmoš: Tatjana Kolpus - tatjana@garmeres.com