Landsforeningen for Skeive Funkiser (Norgga Queer Doaibmavádjediid searvi) ja Garmeres bovdeba lávvardatgáfestallamii Sámi Vissui Oslos miessemánu 23. beaivvi, dii. 11-16. Dat lea rabas buohkaide, ja gáfe ja gáhkku lea nuvttá organisašuvnnaid miellahtuide. Mii fállat mátkkedoarjaga miellahtuide geat háliidit searvat. Váldde minguin oktavuođa e-poastta bokte meile@garmeres.com jus háliidat boahtit.

Oaidnaletne :)

Mo boahtit

Čujuhus: Dronningens gate 8b
Lagamus bussabisánanbáiki: Kvadraturen
Lagamus sporvagnabisánanbáiki: Dronningens gate

Oslo S:as lea 650m vázzit Dronningens gate bokte, dahje 950m Langkaia bokte gos lea viidát ja dássát vázzinravda.

Táksii/biila dábálaččat bisána uvssa guoras Sámi Viesu olggobealde olbmuid luoitima ja viežžama várás.

Jus don dárbbašat olahit rullastuoluin, geavat uvssa mii lea olgeš bealde Sámi Viesu váldouvssas, rámppa bajábealde. Dáppe manná siskkouvsa Sámi Vissui. Sihke sisagolganuvsa ja siskkouvssa ferte rahpat siskkobealde. Dieđit midjiide go don boađát, dahje seave láse čađa, vai muhtin sáhttá rahpat uvssa dutnje.

Lanja siskkobealde

Vuollebealde govvosat čájehit mo Sámi Viessu oidno siskkobealde. Don sáhtát váldit minguin oktavuođa jus dus leat jearaldagat lanjaid birra, muhto mii ávžžuhit váldit oktavuođa Sámi Visuin njuolga, danne go sii sáhttet vástidit jođáneappot go mii.