Juohkehaš oassálasti Sápmi Prides galgá čatnasit dáid dorvvolut saji njuolggadusaide.

Dorvvolut saji njuolggadusat davvisámegillii

1. Gudnejahte earáid fysalaš ja psyhkalaš saji ja gáibit dan dárbbu mielde maiddái alccesat. Ále guoskka earáide lobi haga.
2. Ále vealat earáid! (dego rasisma, seksisma, homofobiija, transfobiija, ableisma, buoidefobiija jna.)
3. Ále navdde earáid sohkabealleidentitehta, pronomeniid, duogáža, seksuálavuođa, bárragaskavuođa hámi, doaibmanávccaid, opmodaga, nationalitehta, kultuvrra, giela, oskku, árvvuid dahje dearvvašvuođadili.
4. Ane fuola saji easttahisvuođas ja váldde earáid vuhtii: Ále nuoskit, álege guođe maidege geainnuid ala. Easttahisvuohta sáhttá leat ovdamearkka dihte váddu, mielladearvvašvuođahehttehusat dahje olbmo eatnigiella.
5. Ále boarskuduhte nuppi, ále árvvoštala earáid, álege hála earáid birra smávva joavkkus (šláttardeapmi).
6. Jeara álo lobi, juos govvet dahje juogadat govaid sosiála mediai.
7. Muital heađuštanoktavuođaolbmui, ortnetfávttaide dahje dáhpáhusa lágideddjiide, juos vásihat dahje fuomášat heađušteaddji giellageavaheami dahje láhttema, dahje váilevašvuođaid easttahisvuođas.
8. Darván heađušteaddji giellageavaheapmái dahje láhttemii. Juos ieš oaččot máhcahaga, giite dan ovddas, bivdde ándagassii ja fikka doaibmat nu, ahte válddát máhcahaga vuhtii doaimmainat das ovddasguvlui.
9. Ále árvvoštala earáid giela, identitehta dahje duogáža.
10. Muitte, geaidda dáhpáhus lea álgoálggus ordnejuvvon. Váldde vuhtii iežat ovdamuniid, ovdagáttuid, láhttema ja saji, man válddát. Atte saji maiddái earáide lihkadit ja geassásit.

Juos juoga ášši orru unohas dutnje, muitte, ahte dat lea doarvái buorre sivva loktet ášši ovdan. Dus lea maiddái vuoigatvuohta vuolgit dáhpáhusas goas beare. Muhto muitte áinnas ahte mii leat giitevaččat ahte justa don leat dáppe ovttas minguin ávvudeamen Sápmi Pride 2023!